Ашиглалтаас гарсан батерейг дэлхий нийт баялаг гэж үздэг бол монголчууд хаягдалд тооцож, түүндээ хорддог

Түгээх    
2017-12-13 08:30:56 - Эрүүл мэнд

battery

-ХАЯГДАЛ БАТЕРЕЙ ХУУЛЬ НЭХЭЖ БАЙНА-

Сүүлийн үед байгаль орчинд ээлтэй гэх хайбрид буюу хосолмол хөдөлгүүртэй автомашин монголчуудын хөл дүүжлэх гол унаа болсон. Ийм машин бензин бага иддэг боловч цэнэг нь дууссан баттерейг зөв зохистой зориулалтын газар хаяхгүй бол хүний эрүүл мэнд болоод байгаль орчинд асар их хэмжээний хор хөнөөл учруулсаар буй юм.

Төрийн өмчийн Авто тээврийн үндэсний төвийн бүртгэлд байдаг 95 мянга гаруй “Приус” автомашин замын хөдөлгөөнд оролцдог гэсэн баримт байна. Гэтэл уг машины нэг баттерейд л гэхэд 20 гаруй төрлийн химийн бодис ордог аж.

Өнөөдөр Монгол Улсад хаягдал баттерейг дахин боловсруулах үйлдвэр байхгүй учраас цэнэг нь дууссан баттерейны химийн хүнд элементүүд нийслэлчүүдийн эрүүл мэндэд аюул дагуулаад эхэлжээ. Уг нь Япон улс цэнэг нь дууссан хайбрид машиныхаа баттерейг авах сонирхолтой байдаг ч манай улс хилээсээ гаргаж чаддаггүй. Учир нь ОХУ, БНХАУ газар нутаг дээгүүрээ аюултай хог хаягдал тээвэрлэхийг хориглодог байна. Хаягдал баттерейг онгоцоор Япон улс руу тээвэрлэх, эсвэл дахин боловсруулах үйлдвэр барих гэсэн хоёрхон л гарц үлдээд байгааг албаны хүмүүс хэлдэг.

battery

Нийгмийн эрүүл мэндийн үндэсний төв /НЭМҮТ/ хаягдал баттерей, аккумулятороос гарч буй хар тугалга хүүхдийн эрүүл мэндэд хэрхэн нөлөөлж байгааг судалжээ. Хар тугалгын хэмжээ агаар, хөрсөнд сүүлийн жилүүдэд үнэмлэхүй ихээр нэмэгдэж байгаа аж.

Улаанбаатар хотод амьдардаг бага насны хүүхдийн цусан дахь хар тугалгын хэмжээ дунджаар 10-15 мкг/дл байсан нь Дэлхийн эрүүл мэндийн байгууллагын заасан хэмжээнээс 4-5 дахин илүү гарчээ. Хүүхдийн цусанд хар тугалгын хэмжээ өндөр байгаа нь сэтгэн бодох чадварт нь сөргөөр нөлөөлж, ой тогтоолтод нь муугаар нөлөөлөх, улмаар уур уцаартай болох шинж тэмдгүүд илэрдэг байна.

Мөн бөөрний дутагдалд орох аюул тулгардаг ажээ. Бага насны хүүхдийн цусанд орсон хар тугалга ясанд нь маш их хэмжээгээр хуримтлагддаг аж. Харин 20 гаруй жилийн дараа буюу хүүхдийг нас биед хүрсний дараа эргээд яснаасаа цусанд орж, ялангуяа эмэгтэйчүүд хүүхэд төрүүлэх үед цусаар дамжин урагт нөлөөлж дутуу жинтэй, ургийн гажигтай хүүхэд төрөх эрсдэлүүд үүсдэг байна.

bazarragchaa

И.БАЗАРРАГЧАА: АВТОМАШИНЫ ХОГ ХАЯГДЛЫГ БИ БАЯЛАГ ГЭЖ ХАРДАГ

Хосолмол хөдөлгүүртэй автомашин баттерей болон бусад эд зүйлийг дахин боловсруулах талаар ШУТИС-Механик тээврийн сургуулийн дэргэдэх “Монголын автомашины Recycle” нийгэмлэгийн гүйцэтгэх захирал И.Базаррагчаагаас тодрууллаа.

-Манай улс хэрэглээнээс гарч буй автомашиныг аюултай хог хаягдлын жагсаалтад оруулсан. Өндөр хөгжилтэй улс орнуудад автомашины хог хаягдлаа яаж боловсруулдаг юм бол?

 -Би өөрөө авто инженер хүн учраас автомашины эд анги, хог хаягдлыг баялаг гэж хардаг. Хамгийн гол нь манай улсын иргэд жаахан замбараагүй хэрэглээтэй. Автомашины цэнэг нь дууссан баттерей, аккумуляторууд хортой гэдэг нь үнэхээр ойлгомжтой шүү дээ. Гэтэл үр хүүхэдтэйгээ ойрхон, эсвэл ил задгай байдлаар задлах, үйл ажиллагаа явуулах, арчлах, засварлах ийм ажил хийдгээс болж хар тугалга, янз бүрийн химийн хүнд элементүүд хөрс ногоонд шингэдэг, энэ ургамлыг идсэн мал, амьтан ч гэсэн хорддог. Мөн хүүхдийн биед шингэдэг гэсэн судалгаанууд ч гарсан байна. Бид өөрсдийн буруу үйл ажиллагаагаа зөв болгоод, хууль дүрмийнхээ дагуу бүх үйл ажиллагаагаа явуулбал баттерей, аккумляторын найрлагад орсон түүхий эдүүд байгальд байдаг л элементүүд. Хамгийн гол нь зөв зохистой, хуулийн дагуу үйл ажиллагаагаа явуулах ёстой. Өнөөдөр автомашиныг олон улсын гэрээ хэлэлцээрийн дагуу 85 хувь дахин ашиглах боломжтой гэж заасан байгаа юм. Өнөөдөр дэлхийн өндөр хөгжилтэй орнуудад 98 хувийг нь дахин ашиглаж байна. Өөрөөр хэлбэл, хоёрхон хувь нь хог хаягдал болно гэсэн үг.

battery

-Сонирхолтой юм. Бид бараг бүхэлдээ хог хаягдал гэж хардаг шүү дээ?

-Тийм ээ. Энэ 98 хувь эцсийн эцэст мөнгө. Харин манай улс замбараагүй хаяад л, дараа нь өөрсдийнхөө эрүүл мэндийг хордуулаад байна. Бид нарийн өндөр технологи ашиглаад, өндөр хөгжилтэй орнуудын тусламж аваад, дахин боловсруулах үйлдвэр байгуулж болно. Сүүлийн жилүүдэд аюултай гээд байгаа тос, тосолгооны материалаар буцаагаад түлш хийдэг болсон байна. Машины хаягдал дугуйг шатааснаас болж агаар бохирдож хүмүүсийн эрүүл мэндэд сөргөөр нөлөөлж байна хэмээн хэвлэл мэдээллээр бөөн л юм болдог. Яг үнэн чанартаа Азийн орнуудад, Япон зэрэг улсуудад хаягдал дугуйг шатаан дулаан гаргаж авдаг. Жишээлбэл, хүлэмжээ халаадаг. Европын холбооны улсуудад дугуйг түлш гэж үздэг. Цемент үйлдвэрлэж буй үйлдвэрийн гол бүтээгдэхүүн буюу түлш нь хаягдал дугуй байдаг. Зөвхөн ямар технологи ашиглан шатааж байгаа вэ гэдэг л сонин. Ер нь автомашинаас гарсан хаягдлыг технологийн дагуу зөв ашиглаж чадвал хор биш баялаг юм шүү дээ.

-Манайд ийм арга технологийг нэвтрүүлэхэд ямар асуудал тулгарч байна?

-Төр засгийн бодлого хэрэгтэй. Дээрээс нь хууль эрхзүй тодорхой байх нь хамгийн чухал. Мөн үйл ажиллагаагаа явуулахад дэмжлэг хэрэгтэй байна. Хувийн хэвшлүүд зөндөө ажил хийгээд яваад л байдаг. Гэтэл хууль эрхзүй нь тодорхой биш учраас эдийн засгийн хүндрэлүүд гарч эхэлдэг. Саяхан хог хаягдлын тухай хууль батлагдлаа. Үүнээс хойш бага ч гэсэн хог хаягдлыг дахин боловсруулах тал дээр дэвшил гарсан.

-Төр засгаас тусламж авахгүйгээр олон улсын зах зээл дээрээс хөрөнгө босгож, хог хаягдал дахин боловсруулах үйлдвэр байгуулах боломж байна уу?

-Хог хаягдлыг дахин боловсруулахтай холбоотойгоор автомашин үйлдвэрлэгч байгууллага нь хог хаягдлаа боловсруулах үүрэг хүлээдэг дэлхийн жишиг байдаг юм. Гэтэл яагаад Япон, Солонгос, АНУ гэсэн улсууд Монгол Улсад оруулж ирсэн автомашиныхаа хог хаягдлын эрх үүргээ биелүүлэхгүй байна. Яагаад мөнгө төлөхгүй байна. Үүнийг зөв зохион байгуулах хэрэгтэй санагдаад байгаа. Мөн гаалиар орж ирдэг хуучин, шинэ автомашинаас татвар авч, фонд үүсгэн, аюултай хог хаягдлыг дахин боловсруулахад ашиглаж болох юм.

battery

-Хилээр орж ирдэг автомашины хэдэн хувь нь хосолмол хөдөлгүүртэй байна вэ. Танай байгууллагад судалгааны тоо баримт байна уу?

-Автомашиныг шинээр үйлдвэрлээд, худалдаанд гарангуут нь хог гэж үздэг. Яагаад гэвэл ямар ч шинэ машин он цагийн уртад хуучирч муудаад, хог болдог. Гэтэл хог болсон зүйлийг зарим орнуудад баялаг гэж үзээд, 98 хувийг дахин боловсруулж байна. Ерөнхийдөө хоёр талтай зүйл л дээ. Манай улсад орж ирж буй автомашинууд бүгдээрээ баялаг, бүгдээрээ л хог. Одоогийн байдлаар Монгол Улсад бүртгэлтэй 800 мянган тээврийн хэрэгсэл байна гэж үздэг.

-Манай улсад хамгийн их байдаг “Приус”-ын баттерейг баялаг болгох боломж байна уу. Найрлагад нь газрын ховор элементүүд байдаг гэж сонссон?

-Автомашины баттерейд газрын ховор элементүүд маш их байдаг. Япон Улс хамгийн анх “Приус-20”-ыг үйлдвэрлэхдээ нэлээд их хөрөнгө гаргаж, газрын ховор элементээр нэлээд их “зодсон” юм билээ. Энэ ховор элементийг авч чадна гэдэг манай улсын хувьд хүндрэлтэй. Бидэнд технологи нь алга байна.

М.АМАРЖАРГАЛ



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 11

Зочин (203.91.*.*)
2017-12-14 19:06:02
төрөөс хууль стандарт татварын бодлогоо тодорхой тогтвортой болгочвол хувийнхан дор нь хэрэгжүүлээд асуудал шийдэгдэнэлдээ даан ч энэ хурлынхан чадахгүй

зочин (122.201.*.*)
2017-12-13 19:35:18
мэдэхгүй юмандаа дайсан гэж

Зочин (66.181.*.*)
2017-12-13 16:41:35
Хог цуглуулхаа болиосой. Тэгээд тэр хогоо баялаг гээд байгаа юм аа. Африкчуудыг баялаг гэж хошигруулаад хамаг хог хаягдлаа европчууд тийш нь зөөж аваачдаг шд. Жаахан мэдээлэлтэй байцгаая!

okej (103.57.*.*)
2017-12-13 15:53:09
bi bodohdoo suuliin 28n jil mongolchuud bid gantsa mashinii hog ch bish, delhiin untsig bulan burees irsen, hog idej heregleseer baigaad ur hoich maani nel uvchinii uur bolj baina daa. Harin suuliin ued humuus neg uhaarch baih shig bainadaa, mongol umaa l hereglee gej.

Зочин (150.129.*.*)
2017-12-13 12:30:54
Приусын аккутляторын хор нөлөөний талаар мэргэжилтнүүд зөндөө сануулсан ш дээ. даанч манайхан ард түмний унаа энэ тэр гэж хөөрөгдөөд татвараас чөлөөлөөд тэрнийг нь далимдуулж амтомашины дамчид Монголыг маань хогоор дүүргэсэн .манайх машины хорт хаягдалыг боловсруулах үйлдвэр байгуулна гэж худлаа.Тэхээр тэр хорт хаягдлаа авчирсан эздээр нь японруу нь зөөлгө.өөр гарц байхгүй.Энэ Базаррагчаа гэгч зүгээр л хоосон мөрөөдөл ярьж толгой эргүүлж олныг төөрөгдүүлж байна.Одоо нэгч приус Монголд минь бүү оруул.

Зочин (49.0.*.*)
2017-12-13 11:18:38
dahin bolovsruulaad surahad l olon mongolchuud mungu oloh bolomjtoi bolj baigaa yum baina ene chin mash sain medee shu

Зочин (66.181.*.*)
2017-12-13 10:23:52
Аргагvй ш дээ. Биднийг vхэж дуусаасай гэдэг хvмvvc толгой дээр сууж байгаа ш дээ. Хятадаас маш их хор орж ирдэг гэсэн ш дээ. Тэрийгээ хаана яаж хэрэглэдэг юм бvv мэд ш дээ

ZZZ (66.181.*.*)
2017-12-13 09:52:40
Баттерейн доторхи шингэн болох хүхрийн хүчлээр цементийн түүхий эд болох гөлтгөнө үйлдвэрлэж болно. Хөтөлд ийм үйлдвэр байгуулагдах гэж байгаа.

Зочин (66.181.*.*)
2017-12-13 09:27:31
Япон улстай хамтраад үйлдвэр байгуулчихаж болохгүй юм байхгүй байлгүй дээ. Хакухо Даваажаргалд санал тавих хэрэгтэй. Эрх мэдэлтэнгүүдэд үйлдвэрхээ ихэнхи хувийг эзэмшүүлвэл дороо шийдэгдэнэ эзэмшүүлэхгүй бол шийдэгддэггүй гэж байгаа юм даа. Улс орон ард түмэн минь гэж худлаа орилоод цаагуураа түрийвчээ түнтийлгэдэг аминчхан үзэлтэй олигархууд ажил явуулахад саад болж байгаа Ийм учраас улс орон минь хөгжихгүй байна аа

Зочин (103.9.*.*)
2017-12-13 09:00:00
базараа багшийн саналыг ажил хэрэг болгох боломжтой гэж бодож бн

cochin (67.167.*.*)
2017-12-13 08:42:15
bugdeeree hiiy l dee.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-07-17 16:32:13 - Шар
Трамп: Путин дээд хэмжээний уулзалтын үеэр маш хүчтэй байсан
2018-07-17 16:12:43 - Хууль
Амиа алдсан алба хаагчдыг дурсах "Бид мартахгүй" хүндэтгэлийн өдөр тохиож байна
2018-07-17 16:10:34 - Гадаад
Үргэлжлэн орж буй аадрын улмаас Бээжин 650 орчим нислэгээ цуцалжээ
2018-07-17 15:51:15 - Орон нутаг
Хэнтий аймагт хүүхдийг эрсдэлээс хамгаалах ажил хийгдэж байна
2018-07-17 15:46:51 - Улс төр
Ээлжит бус чуулган хуралдуулах тухай албан бичиг илгээв
2018-07-17 15:31:34 - Шар
Нэрт хөлбөмбөгч Неймарын зурагтай тонн орчим кокаин хураан авчээ
2018-07-17 14:50:10 - Орон нутаг
Үерийн улмаас орон гэргүй болсон 163 иргэнийг сургуулийн дотуур байранд байрлуулжээ
2018-07-17 14:37:40 - Орон нутаг
Борнуур сумын гүүр үерт автаж, эвдэрсэн тул хөдөлгөөнийг хязгаарлаад байна
2018-07-17 14:37:03 - Нийслэл
“Гэрэлт гудамж”-ны үйл ажиллагаанд хяналт, шалгалт хийжээ
2018-07-17 14:22:26 - Нийслэл
Мэргэжлийн байгууллагууд 24 цагаар тээврийн товчоодод ажиллаж байна
2018-07-17 14:18:49 - Хууль
Баяр наадмын үеэр 665 иргэнийг эрүүлжүүлжээ
2018-07-17 14:11:30 - Гадаад
БНСУ-д ажиллаж, амьдарч байгаа монголчуудыг наршихаас сэргийлэхийг зөвлөж байна
2018-07-17 14:06:02 - Гадаад
Путин, Трамп нар уулзаж, харилцаагаа хэвийн болгох эхний алхмаа хийв
2018-07-17 13:41:42 - Энтертайнмент
Өвөрмонголд Олон улсын найрал дууны долоо хоног зохиогдож байна
2018-07-17 13:35:15 - Хууль
Хоригдлууд хохирогчдоо 50 гаруй сая төгрөг шилжүүлжээ
2018-07-17 13:19:51 - Боловсрол
Япон, БНХАУ-ын буцалтгүй тусламжаар долоон сургууль баригдана
2018-07-17 13:16:46 - Шар
ФОТО: “Алтан дагина“ цомын эзэн Францын шигшээ баг эх орондоо ирлээ
2018-07-17 12:59:16 - Эрүүл мэнд
Г.Батсуурьт "Эрүүлийг хамгаалахын гавьяат ажилтан" цол хүртээжээ
2018-07-17 12:42:39 - Боловсрол
Шатсан цэцэрлэг ирэх намар гэхэд шинэ байртай болно
2018-07-17 12:25:37 - Нийслэл
Төв Цэнгэлдэх хүрээлэнд анх удаа “Press room” ажиллуулав
2018-07-17 12:06:47 - Гадаад
Bloomberg: Жэфф Безос энэ цаг үеийн хамгийн баян хүнээр тодров
2018-07-17 12:02:59 - Эрүүл мэнд
Энэ сарын 27-нд элэгний В, С вирусыг үнэгүй оношилно
2018-07-17 11:53:21 - Орон нутаг
З.Энхболд бэлгэнд ирсэн хурдан азаргануудын төлийг аймгийнхаа уяачдад өгчээ
2018-07-17 11:49:19 - Энтертайнмент
Германы “Чингис” хаан хамтлаг Дадал суманд сүндэрлэх бүтээн байгуулалтыг сурталчилна
2018-07-17 11:44:39 - Улс төр
Азийн сайд нарын бага хуралд оролцогчид талархлаа илэрхийлжээ
2018-07-17 11:33:03 - Орон нутаг
Орон нутагт гурван иргэнийг эрэн хайж байна
2018-07-17 11:23:06 - Нийслэл
Хөшигийн хөндийн нисэх буудалд 5.3 тэрбум төгрөгийн үнэ бүхий цацрагийн хяналтын төхөөрөмж суурилуулна
2018-07-17 11:20:53 - Хууль
Өнгөрсөн онд зам тээврийн ослоор 55 хүүхэд амиа алджээ
2018-07-17 11:08:55 - Орон нутаг
Эксковаторын шанаганд сууж, тэмцлээ илэрхийлжээ
2018-07-17 11:08:15 - Орон нутаг
Мотоцикльтой хоёр иргэнийг буудсан ноцтой хэргийг шалгаж байна
2018-07-17 11:07:03 - Нийслэл
Гадаадын 60 гаруй орны удирдагчдаас баярын мэндчилгээ иржээ
2018-07-17 11:03:58 - Энтертайнмент
Б.Дэлгэржаргал: Өдөрт дунджаар 2000 гаруй иргэн “ЛэндМн” аппликейшн ашиглан зээл авч байна
2018-07-17 10:33:28 - Улс төр
Засгийн газраас Япон улсад 100 мянган ам.долларын хүмүүнлэгийн тусламж үзүүлнэ
2018-07-17 10:29:23 - Сонгууль
Өлгий суманд дахин үер буужээ
2018-07-17 08:22:44 - Байгаль Орчин
Улаанбаатарт 25 хэм дулаан байна
2018-07-17 08:21:24 - Эрүүл мэнд
Я.Ганболд: Голионы сүүл сорно гэдэг янз бүрийн өт хорхой хүний биед шууд орж байна гэсэн үг
2018-07-17 08:21:22 - Энтертайнмент
С.Бичүү: Ш.Гүрбазар ах надад “Оройтох нь ээ, оройтох нь” гэж хэлсэн
2018-07-17 08:21:19 - Нийслэл
ФОТО: Зайсангийн бурхантай хөшөө хариуцах эзэнгүйн улмаас нурахад ойрхон байна
2018-07-17 08:21:12 - Хууль
Монголчууд тав хоног баярлахдаа 28 иргэнээ цаг бусаар алдлаа
2018-07-17 08:19:51 - Энтертайнмент
Өнөөдөр нохой өдөр
Их уншсан
Их сэтгэгдэлтэй