Хоёр талын уулзалтууд хийж, салбар хуралдаануудад оролцлоо

Түгээх    
2018-01-20 09:23:26 - Улс төр

zasagБНСВУ-ын нийслэл Ханой хотноо болж буй Ази, Номхон далайн орнуудын парламентын 26-р чуулга уулзалт хоёр дахь өдрөө үргэлжиллээ. Тус чуулга уулзалтад оролцож буй Монгол Улсын парламентын төлөөлөгчдийн тэргүүн, УИХ-ын дарга М.Энхболд хоёр талын хэд хэдэн уулзалт хийж, УИХ-ын гишүүд салбар хуралдаануудад оролцлоо.

Чилийн конгресст Чили-Монголын парламентын бүлэг байгуулагдана

УИХ-ын дарга М.Энхболд эхний уулзалтаа Бүгд Найрамдах Чили Улсын Үндэсний конгрессийн Төлөөлөгчдийн танхимын дарга Фидель Эспинозатай хийв. Уулзалтын үеэр парламент хоорондын хамтын ажиллагааг идэвхжүүлэх, илүү ойртуулах, түүгээр дамжуулан худалдаа, эдийн засгийн харилцан түншлэл тогтоох нь чухал байгааг хөндөж ярилцлаа. УИХ-д Монгол-Латин Америкийн парламентын бүлэг байдаг бол Чилийн парламентад Монголын бүлэг байхгүй юм байна. Тиймээс тун удахгүй Чили-Монголын бүлэг байгуулна гэж ноён Фидель Эспиноза амлалаа.

Байгалийн баялгийн ашиглалт, ялангуяа зэсийн олборлолт, боловсруулалт, борлуулалт, үнэ гэх мэт асуудлаар яриа хөөрөө өрнүүллээ. Дэлхийн зах зээл дээр зэсийн гол тоглогч байхын тулд Чили-Перу-Монгол гэсэн гурамсан холбоо бий болгох нь зөв гэж Чилийн парламентчид үзэж байна. Парламентуудын хамтын ажиллагааг үр ашигтай өрнүүлэхийн тулд тодорхой нэг асуудлаар, тухайлбал хууль тогтоох байгууллагын ил тод байдал, эсвэл гишүүдийн ёс зүй, хариуцлагын асуудлаар хамтран ажиллаж болно гэж тэд онцоллоо.

Түүнчлэн Чили Улс сүүлийн жилүүдэд боловсролын салбартаа онцгой анхаарал хандуулж, тогтолцооны шинэчлэл хийж байгаа тул энэ чиглэлийн эрх зүйн орчныг бүрдүүлэх асуудлаар арга туршлагаа харилцан солилцох боломжтой гэдгийг Конгрессийн гишүүн Жоржиа Жексон тэмдэглэсэн бол УИХ-ын дарга М.Энхболд Чилийн хөрөнгө оруулалтын болон баялгийн сан бүрдүүлэлт, тэтгэврийн даатгалын тогтолцооны туршлагаас суралцах хүсэлтэй байдгаа илэрхийллээ.

БНСУ-д ажиллаж, амьдарч байгаа иргэдийн эрхийн асуудалд онцгой анхаарахыг хүслээ

Бүсийн чуулга уулзалтад БНСУ-ыг төлөөлж буй төлөөлөгчдийг тус улсын Үндэсний ассамблейн байнгын хорооны дарга Ли Жинбок тэргүүлж иржээ. Түүнтэй УИХ-ын дарга М.Энхболд уулзах үеэрээ “Хэдхэн хоногийн өмнө Монгол Улсын Ерөнхий сайд У.Хүрэлсүх БНСУ-д айлчлахдаа хоёр орны харилцааг Стратегийн түншлэлийн түвшинд хүргэх саналыг тавьсан нь харилцааны цаашдын ирээдүйд чухал алхам боллоо. Энэ бол Монгол Улсын төр, засаг, ард түмний хүсэл эрмэлзэл юм. Бид БНСУ-ыг хөрөнгө оруулалтын гол түнш, ах дүүгийн харилцаатай ард түмэн гэж үздэг” хэмээн онцоллоо.

Тэрбээр БНСУ-д ажиллаж, амьдарч байгаа монголчуудын цалин хөлс, даатгал, эрүүл мэнд гээд хөдөлмөрлөх болон хүний эрхийн асуудалд Үндэсний ассамблейн зүгээс анхаарал хандуулж байхыг хүслээ. Түүнчлэн удахгүй эхлэх гэж буй “Пёнчан-2018” өвлийн олимпийн наадмыг БНСУ амжилттай зохион байгуулна гэдэгт бүрэн итгэлтэй байгаагаа илэрхийллээ.

Ноён Ли Жинбок монгол иргэдийн аюулгүй байдал, хүний эрхийн асуудалд бид онцгой анхаарсаар ирсэн. Цаашдаа ч анхаарсаар байх болно гэж онцлоод, “Бүх салбарыг хамран амжилттай хөгжиж буй хамтын ажиллагааг улам өргөжүүлэх эрх зүйн таатай орчныг бүрдүүлэх нь хууль тогтоох байгууллагуудын чухал зорилт юм. Тиймээс та бид энэ чиглэлээр их зүйл хийх нь төр, засаг, ард түмнийхээ өмнө хүлээх үүрэг, хариуцлага юм” гэв. Тэрбээр УИХ-ын дарга М.Энхболдыг Пёнчаны олимпод зочноор оролцохыг урилаа.

Лаосын тал Тамгын газрын ажилтнуудыг чадавхижуулах чиглэлээр хамтран ажиллах санал тавив

УИХ-ын дарга М.Энхболд Бүгд Найрамдах Ардчилсан Лаос Ард Улсын Үндэсний ассамблейн дэд дарга Сэнгнүан Саяалаттай уулзах үеэрээ хөдөө аж ахуй, эрүүл мэнд зэрэг салбарын уламжлалт хамтын ажиллагаагаа өргөжүүлэх, Лаос руу мах, махан бүтээгдэхүүн, хивс экспортлох, Лаосоос модон эдлэл, жимс жимсгэнэ импортлох талаар ярьж буй тохиролцоогоо хоёр тал ажил хэрэг болгох нь чухал гэдгийг тэмдэглэлээ.

Тэрбээр БНХАУ-ын “Нэг бүс-нэг зам” санаачилгад хоёр орон хамтарч оролцохоос гадна удахгүй ашиглалтад орох Куньмин-Вьентьяны төмөр замын боломжийг сайтар ашиглах нь чухал. Тиймээс Хятад-Лаос-Монголын хооронд дамжин өнгөрөх тээврийн гурван талт гэрээ хэлэлцээр байгуулах бэлтгэлийг одооноос хангах нь зөв юм гэв. Түүнчлэн олон улс, бүс нутгийн хамтын ажиллагаанд хоёр улс бие биенийг харилцан дэмжихийн чухлыг тэмдэглээд, Монгол Улсын АСЕАН-ы гишүүнээр элсэх чармайлтад дэмжлэг үзүүлэхийг хүслээ.

Ноён Сэнгнүан Саяалат худалдаа, эдийн засгийн хамтын ажиллагааны асуудлаар УИХ-ын дарга М.Энхболдтой санал нэг байгаагаа тэмдэглээд, хууль боловсруулах, хэрэгжилтэд нь хяналт тавих туршлагаасаа хуваалцах, Тамгын газрын ажилтнуудыг чадавхижуулах чиглэлээр хамтран ажиллах саналыг тавилаа.

Мөн УИХ-ын дарга М.Энхболдыг БНАЛАУ-д айлчлахыг урьсныг талархан хүлээж авав.

Салбар хуралдаануудад УИХ-ын гишүүд оролцлоо

Энэ өдөр Ази, Номхон далайн орнуудын парламентын 26-р чуулганы “Улс төр, аюулгүй байдал”, “Эдийн засаг ба худалдаа”-ны салбар хуралдаанууд болов.

 “Бүс нутаг болон дэлхий дахинд энх тайван, аюулгүй байдлыг тогтоож, хөгжил цэцэглэлтийг цогцлоохын төлөөх парламентын дипломат ажиллагаа” сэдвийн дор өрнөсөн улс төр, аюулгүй байдлын салбар хуралдаанд УИХ-ын гишүүн Ч.Улаан, Б.Пүрэвдорж нар оролцлоо. Уг хуралдаанаар парламент хоорондын хамтын ажиллагааг эрчимжүүлэх замаар улс хоорондын болон бүс нутгийн харилцаанд дэмжлэг үзүүлэх арга механизм, санал санаачилгыг хэлэлцлээ.

Түүнчлэн эдийн засгийн тогтвортой өсөлтийг хангаж, зөрчил мөргөлдөөнөөс урьдчилан сэргийлэхийн тулд улс орон бүр хууль тогтоомжоо сайжруулж, хамтын хүчин хүчин чармайлтаа нэгтгэх нь зүйтэй гэж гишүүн орнууд үзэж байна. Мөн терроризм, хар тамхи, мөнгө угаах, хүний наймаатай холбоотой хил дамнасан гэмт хэргийг илрүүлэх, таслан зогсоох талаар өмнөх хуралдаануудаар дэвшүүлсэн асуудлуудын хэрэгжилтэд үнэлэлт дүгнэлт өгч, цаашдын зорилгоо зөвшилцөв.

Хоёр дахь салбар хуралдаанд УИХ-ын гишүүн Б.Баатарбилэг, А.Сүхбат, Ч.Улаан нар оролцож, бүс нутгийн худалдаа, хөрөнгө оруулалтыг нэмэгдүүлэх, хүртээмжтэй, тогтвортой өсөлтийг хангахад хууль тогтоох байгууллагуудын оруулах хувь нэмэр, хүчин чармайлтын асуудлыг хэлэлцлээ.

Хуралдаанаар бүс нутагтаа олон талт худалдааны нэгдсэн тогтолцоотой болох, худалдаан дахь тарифын бус хориг саадыг арилгах, интернэт худалдааг хөгжүүлэх, хүнсний аюулгүй байдлыг хангах, эко хөдөө аж ахуй, бичил, жижиг, дунд үйлдвэрлэлийг дэмжиж, санхүү, технологийн боломж нөхцөлийг сайжруулах зэрэг асуудлаар гишүүн орнууд, түүний дотор Монголын парламентчид байр сууриа илэрхийлсэн юм.

Энэ өдөр УИХ-ын дарга М.Энхболд чуулга уулзалтад оролцож буй улс орнуудын төлөөлөгчдийн тэргүүн нарын хамт БНСВУ-ын Коммунист Намын ерөнхий нарийн бичгийн дарга Нгуен Фү Чонг-д бараалхав гэж УИХ-ын Хэвлэл мэдээлэл, олон нийттэй харилцах хэлтсийн ажилтнууд Ханой хотоос мэдээлэв. zasag

zasag

zasag

zasag



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 4

Зочин (202.5.*.*)
2018-01-21 14:50:05
Ханаж чадахаа мэдэхээ байсан хулгайч, луйварчинаар төрийн эрхээ бариулаад байж байдаг Монгол эх орны минь сүлд хийморь мөн ч их доройтож байна даа

ЗОЧИН (27.123.*.*)
2018-01-20 13:39:26
ТЭР дунд нь зогсож буй хүүхэн ундармаа билүү,ёстой их зантай ПЯЛДАГА ГЭСЭН ДЭЭ,БАЯНГОЛЧУУД ТҮҮНИЙГ ЮУ ГЭЖ СОНГОВОО,ДАРАА НЬ АМАА БАРЬЦАГААСАН ДАА,ХҮНИЙГ ХҮН ГЭЖ ТООДОГГҮЙ ГЭЖ БАЙГАА,ОРДОНД АРХИ УУНА,ЭНЭ АМЬТНЫГ ДАРААГИЙН УДАА СОНГОНО ГЭЖ БАЯНГОЛЧУУД ЛАВ БАЙХГҮЙ ШҮҮ.

Зочин (202.179.*.*)
2018-01-20 12:09:18
Сү хүргэн ороогүй бол үхсэн ацны аварга байхав аварга болчоод охиныг нь муриад нүдэндээ давхраа оюулаад бас л хошин шогийн гар шүү

zochin (202.21.*.*)
2018-01-20 11:41:03
ene ab-gai huuhen solidog a suhbat yu meddegiin bilaa zailuul ulaan ene 2 odoo fensindee graldaa

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-10-16 10:05:26 - Улс төр
Валютын зохицуулалтын тухай хуульд нэмэлт оруулах тухай хуулийн төслийг хэлэлцэнэ
2018-10-16 09:46:48 - Хууль
Цагдаагийн алба хаагчийг мөргөөд зугтсан этгээдүүдийг баривчилжээ
2018-10-16 09:39:59 - Нийслэл
“Туушин зочид буудал”-ийн газрыг албадан чөлөөлж байна
2018-10-16 09:05:12 - Байгаль Орчин
Улаанбаатарт 14 хэм дулаан байна
2018-10-16 08:33:51 - Боловсрол
Тэтгэврийнхээ мөнгийг тэр чигээр нь монголчуудад зориулдаг УЛИ МИНДЕР-тэй ярилцлаа
2018-10-16 08:27:14 - Орон нутаг
ТОМИЛОЛТ: Газрын тос боловсруулах үйлдвэрийн ажлын явцтай ТАНИЛЦЛАА
2018-10-16 08:21:05 - Хууль
Түгээлтийн машинд GPS суулгах ажил хэний бизнес вэ
2018-10-16 08:13:15 - Энтертайнмент
“FASHION BOX” хямдралтай, бэлэгтэй худалдаагаа задаллаа
2018-10-16 08:10:06 - Хууль
СЭРЭМЖЛҮҮЛЭГ: Зөөгч нар картаар тооцоо хийсэн 19 иргэнд зургаан сая төгрөгийн хохирол учруулжээ
2018-10-16 07:54:35 - Энтертайнмент
Өнөөдөр могой өдөр
2018-10-15 18:15:26 - Эрүүл мэнд
“Гоёо” компанийн ажилчид бензиний хордлого оноштой эмчлүүлж байна гэв
2018-10-15 17:45:10 - Нийслэл
Консулын газраас монголчууддаа хулгайн гэмт хэргээс болгоомжлохыг анхаарууллаа
2018-10-15 17:20:26 - Эдийн засаг
Б.Даваадалай: Дотоод бодлогоороо зохицуулах төсөв, мөнгөний зохистой бодлого хэрэгтэй байна
2018-10-15 17:02:53 - Шар
Меланья Трамп: Би нөхөртөө хайртай
2018-10-15 16:14:06 - Хууль
Цагдаа гэмтээгээд зугтсан этгээдүүдийг эрэн хайж байна
2018-10-15 16:13:11 - Нийслэл
Монголын агаарын замаар дэлхийн хамгийн урт нислэг дамжив
2018-10-15 15:26:17 - Хууль
Хугацаа нь дууссан солонгос бүтээгдэхүүний шошгыг сольж борлуулдаг байсныг илрүүлэв
2018-10-15 15:13:22 - Энтертайнмент
Б.Мөнхчимэг “Miss International- 2018” тэмцээнд Монголыг төлөөлөн оролцохоор болжээ
2018-10-15 15:01:56 - Улс төр
Ж.Самбуу гуай дайны үеэр Ким Ир Сенд хань болж нуувчинд нь шатар нүүж үлдэж байжээ
2018-10-15 14:49:32 - Нийслэл
Дэд станц барих газрыг чөлөөлж, шарилуудыг чандарлажээ
2018-10-15 14:29:25 - Улс төр
АН: Монголбанк, Засгийн газар хоорондын уялдаа алдагдсан байна
2018-10-15 14:15:06 - Улс төр
Д.Хаянхярваа: 54 тэрбум төгрөгөөр шүүлтүүр авч байгаатай санал нийлэхгүй
2018-10-15 13:56:26 - Байгаль Орчин
Монголын говиос шинжлэх ухаанд тэмдэглэгдээгүй аварга үлэг гүрвэлийн яс олджээ
2018-10-15 13:48:56 - Байгаль Орчин
Богдхан ууланд ойн цэвэрлэгээ хийгдэж байна
2018-10-15 13:39:16 - Хууль
Б.Махбалаас гадна дахин нэг хүнийг яллагдагчаар татан шалгаж эхэлжээ
2018-10-15 13:20:19 - Эрүүл мэнд
Өнөөдөр “Цагаан таягтан”-ы өдөр
2018-10-15 12:46:16 - Орон нутаг
Халхгол суманд “Сум дундын төв” төсөл хэрэгжиж эхэлжээ
2018-10-15 12:26:24 - Хууль
Хахуулийн хэрэгт холбогдсон “Шинэ эхлэл” сургуулийн захирал батлан даалтад гарчээ
2018-10-15 12:22:14 - Эдийн засаг
ХХБанкны Ривер Гарден салбар нээлтээ хийлээ
2018-10-15 12:13:41 - Хууль
Улсын хэмжээнд галт зэвсгийн тооллого эхэллээ
2018-10-15 12:02:38 - Хууль
Хаднаас унаж, хөлөө хугалсан таван настай хүүг аварчээ
2018-10-15 11:57:14 - Улс төр
БНАСАУ-ын удирдагч Ким Жон Уныг Монголд айлчлахыг урьжээ
2018-10-15 11:55:58 - Эдийн засаг
Ам.долларын ханш 2567 төгрөгийн үнэтэй байна
2018-10-15 11:40:42 - Энтертайнмент
Америкт кино продакшн байгуулсан анхны монгол бүсгүйтэй ярилцлаа
2018-10-15 11:31:12 - Орон нутаг
Д.Чойжамц хамбыг Хамба Номун хаанаар өргөмжилсөн үү
2018-10-15 11:23:36 - Нийслэл
Дараах чиглэлийн автобусууд өглөө 06:35-06:55 цагт үйлчилгээнд гарахаар боллоо
2018-10-15 11:23:12 - Улс төр
Ерөнхий сайд "МАК" компанийн цемент, блокийн үйлдвэртэй танилцав
2018-10-15 11:08:43 - Улс төр
Хөвсгөл аймгийн Засаг даргын томилгооны асуудлаар Ерөнхий сайдад асуулга тавьжээ
2018-10-15 11:02:23 - Нийслэл
Төв замын уулзваруудад “Шар хайрцаг” тэмдэглэгээ хийж эхэллээ
2018-10-15 10:53:24 - Энтертайнмент
Б.Алтанжаргалын “Дөмөн хонгор аялгуу” дуурсана
Их уншсан
Их сэтгэгдэлтэй
2018-10-13 14:18:42 - Энтертайнмент
Б.Март: “Оскар”-ын шагнал хүртсэнээ сонсоод чихэндээ ч итгээгүй
2018-10-15 13:39:16 - Хууль
Б.Махбалаас гадна дахин нэг хүнийг яллагдагчаар татан шалгаж эхэлжээ
2018-10-15 16:14:06 - Хууль
Цагдаа гэмтээгээд зугтсан этгээдүүдийг эрэн хайж байна
2018-10-15 07:44:38 - Эдийн засаг
“Бороо гоулд”, “Гацуурт” алтны төслүүдийг Б.Дөлгөөн гэх залуу худалдан авчээ
2018-10-15 10:31:08 - Хууль
Улаанбаатар дулааны сүлжээ ТӨХК-ийн захирал Б-г АТГ-аас саатуулжээ
2018-10-13 09:50:37 - Хууль
ЕБС-ийн захирлуудын холбогдсон авлигын хэрэг цаашид үргэлжилнэ
2018-10-13 18:11:38 - Спорт
Манай тамирчин дэлхийн аварга боллоо
2018-10-15 11:40:42 - Энтертайнмент
Америкт кино продакшн байгуулсан анхны монгол бүсгүйтэй ярилцлаа
2018-10-16 08:10:06 - Хууль
СЭРЭМЖЛҮҮЛЭГ: Зөөгч нар картаар тооцоо хийсэн 19 иргэнд зургаан сая төгрөгийн хохирол учруулжээ
2018-10-13 10:07:28 - Эрүүл мэнд
Ж.Нэргүй: Д витамин дархлааны цагаан эсийг идэвхжүүлдэг ганц микро элемент