“Ньюс Ремикон” компани барилгын ажлыг асар их хөнгөвчлөх хольц үйлдвэрлэж байна

Түгээх    
2017-07-15 15:55:31 - Нийслэл

-MNS СТАНДАРТ ХАНГАСАН, БҮРЭН УГААГДСАН ТҮҮХИЙ ЭД МАТЕРИАЛААР БҮТЭЭГДЭХҮҮНЭЭ ҮЙЛДВЭРЛЭДЭГ-

Барилга угсралтын ажил өргөжих хэрээр барилгын салбарт орчин үеийн дэвшилтэт шинэ технологи, шинэ машин техник, тоног төхөөрөмж, шинэ нэр төрлийн материал шаардлагатай болж байгаа билээ. Монголын 100 хувийн хөрөнгө оруулалттай, үндэсний үйлдвэрлэгч “Ньюс Ремикон” компаний хамт олон цаг үеийн шаардлага, зах зээлийн хэрэгцээтэй уялдуулан стандартад нийцсэн бүтээгдэхүүнүүд үйлдвэрлэсээр хэдийнэ зургаан жилийн нүүр үзжээ. Гадаад болон дотоодын 40 гаруй харилцагч, бэлтгэн нийлүүлэгчтэй хамтран ажиллах болсон нь тус компаний ажлын амжилтын үр дүн юм.

Барилга угсралтын үндсэн материал болох бетон зуурмагийн үйлдвэрлэлийн чиглэлээр үйл ажиллагаа явуулж буй тус компани мөн барилгын ажлыг асар их хөнгөвчилж өгөх бэлэн хуурай хольц үйлдвэрлэн хэрэглэгчдэд нийлүүлдэг.

remikon

“Ньюс Ремикон” компани нь “Хурд групп”-ийн ХХК-ийн “Рапид харш” хороолол, Энхтайвны гүүрний хажуу дахь “Kh Apartment” хороолол, “Нарны хороолол”, “MCS Construction” ХХК-ийн “Будда виста” 19 давхар цогцолбор барилга, “Хурд интернэшнл” ХХК-ийн 24 давхар зочид буудлын барилга гэх мэт томоохон барилгуудад бетон зуурмаг нийлүүлсэн.

Тус компанийн бетон зуурмагийн үйлдвэр нь Улаанбаатар хотын Баянгол дүүргийн нутаг, “Хурд групп” ХХК-ийн хашаанд байрладаг, БНСУ-ын техникээр иж бүрэн тоноглогджээ. Цагт 150 метр куб бетон зуурмаг үйлдвэрлэж гаргах хүчин чадалтай, MNS стандарт хангасан, бүрэн угаагдсан түүхий эд материалаар бүтээгдэхүүнээ үйлдвэрлэдэг байна.

remikon

Цемент хадгалах 500 тонны силос, 5000м3 элс болон хайрга агуулах талбайтай тус компани нийлүүлэгчдээс угаасан дайрга авч үйлдвэрлэлдээ ашигладаг. Өөрөөр хэлбэл 05-10 мм, 10-20 мм, угаагдсан, MNS 2998:2009 стандартыг хангасан “Тэгшплант” ХХК-ийн дарга хэрэглэдэг ажээ. Мөн MNS 974:2008 стандартыг хангасан БНХАУ-ын PC42,5 цемент авч үйлдвэрлэлдээ ашигладгаас гадна өөрийн гүний худгаас ус авч үйлдвэрлэлээ явуулдаг байна.

“Ньюс Ремикон” компани нь өөрсдийн 20 зуурмагны машинаар захиалгат бүтээгдэхүүн тээвэрлэн нийлүүлдэг. Шаардлагатай тохиолдолд гэрээт харилцагчдын миксер машинуудыг тээврийн үйлчилгээндээ ашигладаг ажээ. Бетон зуурмагийг технологийн дагуу үйлдвэрлэж, зориулалтын машин (миксер)-аар тээвэрлэн хэрэглэгчдэд хүргэхээс гадна БНСУ-д үйлдвэрлэсэн (44 м өндөрт шахдаг 2ш, 55 м өндөрт шахдаг 1ш) явуулын бетон зуурмаг шахах насост машинаар цутгах боломжтой юм.

Мөн суурин насосоор барилгын аль ч өндөрт бетон зуурмагийг саадгүй цутгадаг. Өөрийн лабораторид бүтээгдэхүүний чанарт шинжилгээ хийхийн зэрэгцээ түүхий эд материалаас дээж аван шинжилж, үйлдвэрлэлд оруулдаг нь стандартад нийцсэн бетон үйлдвэрлэх нөхцлийг бүрдүүлдэг байна.

remikon

remikon

Бид “Ньюс Ремикон” компанийг зорьж, тус компанийн менежер Г.Азбилэг, Б.Болортуяа нартай ярилцлаа.

-“БИД ЭХ ОРНЫХОО ДӨРВӨН ЗҮГТ ХӨГЖЛИЙГ БҮТЭЭНЭ”- 

-“Ньюс Ремикон” ХХК-ийг барилга угсралтын үндсэн материалууд үйлдвэрлэдгээр нь хүмүүс андахгүй. Анх хэдийд үйл ажиллагаагаа эхлүүлж байв?

Б.Б: -Манай компани 2011 оноос эхлэн үйл ажиллагаа явуулж, зургаа дахь жилдээ амжилттай ажиллаж байна.

-Өнөөдрийн байдлаар хичнээн төрлийн бүтээгдэхүүн үйлдвэрлэж, Монгол Улсын нийт хэрэгцээний хэдэн хувийг хангаж байна вэ?

Г.А: -Жилдээ 70-80 мянган куб метр бетон үйлдвэрлэдэг. Одоогийн байдлаар бид 800 мянган куб метр бетон үйлдвэрлээд байна.

Б.Б: -Ихэвчлэн барилгын үндсэн түүхий эд болох бетон зуурмагийн үйл ажиллагаа явуулдаг. 2015 оноос хавтан, хуурай хольц, боржур хийх ажиллагаа давхар явуулж байна.  

-Танай компани бетон зуурмагийн үйлдвэрлэлдээ ямар ямар улсын технологи нэвтрүүлэн ажиллаж буй тухайд ярихгүй юу?

Б.Б: -Бид Монгол Улсынхаа стандартын дагуу үйл ажиллагаагаа явуулдаг. Манай улсад олон улсын стандарт нэвтэрч эхэлж байгаа, түүнийг баримтлан ажиллаж байгаа.

-Цагт хичнээн куб метр бетон зуурмаг үйлдвэрлэх хүчин чадалтай вэ?

Г.А: -Цагт 150 метр куб бетон зуурмаг үйлдвэрлэх хүчин чадалтай.

-Бетоныхоо найрлага, бат бэхийг шалгаж, чанар эдэлгээг нь сайжруулах талаар ямар арга хэмжээ авч ажилладаг вэ?

Б.Б: -Бид аль болох чанартай түүхий эд материал хэрэглэхийг хичээдэг. Элс, хайрга, цементээ Монголынхоо тусгай зөвшөөрөлтэй, эрхийн гэрчилгээ бүхий байгууллагаас авч хэрэглэхийг хичээдэг.

-МОНПОЛИМЕТ ГРУППИЙН МОН ЦЕМЕНТИЙГ АВЧ АШИГЛАЖ БАЙНА-

-Түүхий эд материалаа хаанаас нийлүүлдэг вэ?

Г.А: -Цементээ “Мон цемент”-ээс авч байгаа. "Мон цемент"-ийн давуу тал нь жигд, баталгаатай. Нийлүүлэлт нь хурдан шуурхай болохоор бид хамтарч ажиллаж байгаа. Элс хайргаа Шувуунд байдаг карьерээс авдаг.

Б.Б: -Бид аль болох уулын дайрга хэрэглэхийг хичээдэг. Уулын дайрга нь голын хайргаасаа илүү бат бэх, бэхжилт сайн авдаг. Маркандаа илүү сайн хүрдэг. Бетоны хувьд чанартай болдог.

-Барилгын түүхий эд материалыг ихэвчлэн урд хөршөөр оруулж ирдэг. Танай компани дотооддоо үйлдвэрлэж байгаа. Манайхан үндэсний үйлдвэрлэлээ хэр дэмжиж байна вэ? 

Б.Б: -Манай компани аль болох үндэсний үйлдвэрлэлээ дэмждэг. Бүх түүхий эд материалаа Монгол компаниуд, Монгол үйлдвэр, Монгол карьераас авдаг.

Г.А: -Эрэлт ихтэй.

remikon

remikon

 -ОРОН НУТАГТ ҮЙЛДВЭРЛЭЛЭЭ ТЭЛНЭ-

-Эрүүл ахуй, аюулгүй ажиллагаа юу юунаас чухал. Нормын сүү өгөх гэх мэтчилэн ажилчдынхаа эрүүл мэндийг хамгаалах чиглэлээр бодитой ямар арга хэмжээ авч байна вэ?

Б.Б: -Манай компани хөдөлмөр аюулгүй ажиллагааны тусгай ажилтантай. Норм, хувцас хэрэглэлийг цаг тухайд нь тавьдаг. Сүү зэргийг өдөр болгон ажилчиддаа өгдөг.

Г.А: -Хоногт ажлын эрэлт хэрэгцээнээс хамаарч ачаалал харилцан адилгүй байдаг. Их ажилтай үед 11, 12 цаг хүртэл ажиллана. Хөдөлмөрийн хуулиндаа яаж заасан байдаг түүгээр л илүү цагийн хөлсийг нь бодож олгон ажилладаг.

-Цаашид хийхээр төлөвлөж буй ажлынхаа талаар ярихгүй юу?

Б.Б: -Бид “Эх орныхоо дөрвөн зүгт хөгжлийг бүтээнэ” гэсэн уриатай ажилладаг. Тийм болохоор аль болох чанартай бүтээгдэхүүн хийж, олон харилцагчтай болохыг хичээж ажиллаж байгаа. Мэдээж бид хөдөө орон нутагт үйлдвэрлэлээ тэлэх зорилготой байгаа. Манайх зөөврийн үйлдвэртэй. Олон төсөл хөтөлбөрт хамрагдаж, хөдөөгийн хэрэглэгчдэд хүргэх сонирхол их бий.

-Нийслэлд бетон зуурмагийн 80 гаруй үйлдвэрлэл байдаг гэсэн албан ёсны тоо бий. Үндэсний бетон зуурмагийн үйлдвэрүүд, ялангуяа танай үйлдвэрийн хувьд өрсөлдөх чадвар өндөр үү?

 Г.А: -Өрсөлдөх чадвартай, сайн техник хэрэгсэл, чадварлаг ажиллагсадтай. Мөн чанартай түүхий эд материалаар үйлдвэрлэлээ явуулж байна. Ажилчдаа сургах тал дээр анхаарч ажилладаг. Жилдээ нэг удаа ажилчдаа сургалтад хамруулдаг. Жишээ нь, жил бүр 4-5 ажилтан Солонгос руу явж суралцаж дадлагаждаг.

-Нийт хичнээн ажилтантай вэ?

Б.Б: -Нийт 40 гаруй ажилтантай. Эмэгтэйчүүд нийт ажиллагсдын 20 хувийг эзэлдэг.

-Нийслэлийн усны нөөц багассан гэсэн үндэслэлээр элс, хайрганы карьеруудыг зогсоосон нь бетон үйлдвэрлэгчдийн үйл ажиллагаанд багагүй тушаа болсон болов уу?

Б.Б: -Маш их нөлөө үзүүлж байгаа. Яагаад гэхээр түүхий эдгүй бетон зуурмаг үйлдвэрлэнэ гэдэг хэцүү. Дээрээс нь нээгдсэн карьерууд нь материалынхаа үнийг өсгөдөг ч юм уу нэлээн нөлөөлж байгаа.

Г.А: -Дээрээс нь шинээр ажил эхлүүлж байгаа газруудын хувьд чанарын шаардлага хангахгүй байна. Тийм учраас өнгөрсөн хугацаанд түүхий эд материалын хомсдолтой байсан, одооноос гайгүй болж байна.

remikon

remikon

-ЭКО ХАВТАН, ЯВГАН ЗАМЫН БОРЖУР, ӨНГӨТ БОЛОН ӨНГӨГҮЙ ХАВТАН,
БЛОК ҮЙЛДВЭРЛЭДЭГ-

-Танай компанийн хавтангийн үйлдвэрлэлийн тухайд ярилцъя. Барилгын материал, бүтээгдэхүүн үргэлж шинэчлэгдэж буй энэ үед танай компаниас хэрэглэгчдэд ямар шинэ төрлийн бүтээгдэхүүнүүд санал болгож байна вэ?

Б.Б: -Манай компани эко хавтан, явган замын боржур, өнгөт болон өнгөгүй хавтан, блок үйлдвэрлэж байна. Хамгийн сүүлийн үеийн тоног төхөөрөмжөөр тоноглогдсон. Бүрэн автомат үйлдвэр. Тийм учраас шахалт, бах бэхийн хувьд маш өндөр.

-Хавтангийн эрэлт их байдаг уу?

Г.А:-Хавтангийн үйлдвэр маань нээлтээ хийгээд жил болж байна. Чанартай бүтээгдэхүүн үйлдвэрлэдэг учир байнгын худалдан авагч, хэрэглэгчидтэй болсон. Захиалга ч маш их нэмэгдэж байгаа.

remikon-Бүтээгдэхүүний чанарын тухайд хэрэглэгчдээс гомдол санал хэр их ирдэг вэ?

Б.Б: -Бетоны үйлдвэрлэл дээр манайх анхнаасаа чанарыг ихээхэн анхаарсан учраас гомдол гараад байдаггүй. Бид аль болох чанартай бүтээгдэхүүн үйлдвэрлэхийн тулд өөрсдөө байнга хяналт тавьдаг. Элс хайрганыхаа татан авалтад анхаарч байнга шинжилнэ. Өөрсдийн лабораторитой. Лабораторийн үйл ажиллагаа элс хайрга, цемент татан авалтаас эхэлдэг. Өөрсдийн лабораторид туршилт хийгээд, чанар шаардлагад нийцсэн байна гэж үзвэл элс, хайрга, цементийнхээ татан авалтыг хийдэг. Бетоныхоо дээж сорил болгоныг долоо хоног болгон авна. Бетоныхоо чанар болон бат бэхийг 28 хоног харна. Дараа нь хөндлөнгийн лаборатори, барилга архитектурын шинжилгээнд өгнө. Мөн элс, хайрга, цементийнхээ дээжийг цаг тухай бүрт нь өгч давхар хянуулдаг. Ийм процессоор үйл ажиллагаа явагдаж байгаа.

-Үнийн хувьд бусадтай харьцуулахад боломжийн байдаг уу?

Б.Б: -Ер нь дундаж үнэтэй.

-Хавтангийн үйлдвэрлэлд юуг анхаарах ёстой байдаг вэ?

Б.Б: -Хамгийн гол нь бат бэх, хэв загварыг голчлон анхаардаг. 

-Ажилчдын ахуй хангамж гээд нийгмийн баталгааг хангах талаар компаний зүгээс ямар арга хэмжээ авч ажилладаг вэ?

Г.А: -Ажилчдаа дэмжиж ажиллаж байна. Одоогийн байдлаар компаниас 3 хүнийг 8 хувийн байрны урьчилгааг нь дааж хамруулаад байна. Хоёр хүнийг хоёр өрөө байраар шагнасан. Манай ажил улирлын чанартай. Хавар ажилчдаа ажилдаа орж ирмэгц хүсэлтийг нь хүлээн авдаг. Юу хийх, ямар дэмжлэг авах хүсэлтэй байгааг нь сонсоно. Одоо бид нэг ажилтандаа хашаа, байшин барьж өгч байна. Ер нь ажилчдынхаа ар гэрт их анхаарал хандуулдаг.

-Аливаа үйлдвэрлэл эрхлэхэд ажилчдын аюулгүй байдал хамгийн түрүүн тавигддаг. Хөдөлмөр аюулгүй ажиллагааны хувьд ямар журам мөрддөг вэ?

Г.А: -Монгол Улсын Хөдөлмөр, аюулгүй ажиллагааны журмыг баримталж ажилладаг.

 Э.ЭНХ-ЭРДЭНЭ

remikon

remikon

remikon

remikon

remikon

remikon



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Шинэ мэдээ
2018-06-23 10:12:09 - Байгаль Орчин
Улаанбаатарт 19 хэм дулаан байна
2018-06-23 10:09:37 - Улс төр
У.Хүрэлсүхийн газрын тосны үйлдвэртэй болох “АМБИЦ” шангаа татлаа
2018-06-23 10:04:39 - Нийслэл
С.Саранбилэг: Охины минь хөл бүдүүн гуянаасаа доош зовиурладаг болсон
2018-06-23 10:01:06 - Эрүүл мэнд
Тарвас идсэний улмаас “SK5” вирусээр халдварлаж үхэж байна гэдэг худал мэдээлэл
2018-06-23 09:58:15 - Эрүүл мэнд
Эмийн харшил – Амь насанд хамгийн их аюултай
2018-06-23 09:58:04 - Энтертайнмент
Өнөөдөр нохой өдөр
2018-06-22 19:03:15 - Энтертайнмент
“Chanel” компани анх удаа санхүүгийн тайлангаа танилцууллаа
2018-06-22 18:57:59 - Хууль
Цэргийн алба хаагчдад гэр бүлийн үнэ цэнэ сэдвээр сургалт зохион байгуулжээ
2018-06-22 18:52:22 - Нийслэл
Автобусны буудлуудыг олон улсын жишигт нийцүүлэн тохижуулна
2018-06-22 17:46:14 - Нийслэл
Бөхийн өргөөг дахин битүүмжиллээ
2018-06-22 17:38:07 - Улс төр
Д.Мурат гишүүний бүрэн эрхийг түтгэлзүүлээгүйд тавьсан Ерөнхийлөгчийн хоригийг дэмжлээ
2018-06-22 17:32:42 - Нийслэл
Н.Энхбаяр: "Оюутолгой"-н гэрээг өөрчлөх ард нийтийн санал асуулгыг нэн яаралтай явуулах ёстой
2018-06-22 16:16:03 - Хууль
СЭРЭМЖЛҮҮЛЭГ: Бага насны гурван хүүхэд усанд осолдож амиа алджээ
2018-06-22 15:58:21 - Спорт
Монгол уулчид Хөх сэрхийн нурууны ноён оргил дээр хөлбөмбөг тогложээ
2018-06-22 15:54:22 - Спорт
Хөлбөмбөг тоглож байгаад амиа алдсан хүүгийн ар гэрийнхэнд сая төгрөг цуглуулж өгчээ
2018-06-22 15:46:33 - Нийслэл
Зорчигчдын хөлс төлөлтөд хяналт тавих хамтарсан шалгалт үргэлжилж байна
2018-06-22 15:40:31 - Эдийн засаг
Монголбанк ээлжит бус гадаад валютын дуудлага худалдаа зохион байгууллаа
2018-06-22 15:31:58 - Боловсрол
МУИС-ийн 73 дахь төгсөлт, эрдмийн баяр боллоо
2018-06-22 15:31:35 - Гадаад
АР: Хууль бус цагаачдын 500 орчим хүүхэд гэр бүлдээ эргэн очлоо
2018-06-22 15:22:26 - Нийслэл
Амралтын өдрүүдэд түр хугацаагаар хаагдах автозамууд
2018-06-22 15:16:40 - Хууль
Зам, тээврийн осол хэрэг буурсан үзүүлэлттэй байна
2018-06-22 14:54:21 - Улс төр
БАЙНГЫН ХОРОО: "Тавантолгой"-н 30 хувийг эдийн засгийн эргэлтэд оруулахыг дэмжлээ
2018-06-22 14:43:15 - Нийслэл
Холбоочдын цогцолбор тэмцээн эхэллээ
2018-06-22 14:38:41 - Улс төр
Д.Хаянхярваа: Тавантолгойн төслийг дэмжвэл улс төрийн болон хөндлөнгийн нөлөөлөл байхгүй болно
2018-06-22 14:24:10 - Энтертайнмент
“Хаврын улирлыг идэвхтэй эхлүүлье” нэртэй уралдааны ялагч тодорлоо
2018-06-22 14:00:02 - Нийслэл
“Алтай констракшн”, “Жинлүүр их” компаниудыг таван сая төгрөгөөр торгожээ
2018-06-22 13:30:51 - Нийслэл
Х.Мандахбаяр: Монгол сэтгүүлчдийг БНСУ-д сургах тухай санал тавина
2018-06-22 13:29:24 - Гадаад
Блүүмберг: Трамп Путинтэй уулзах боломжийг судалж байна
2018-06-22 12:53:15 - Орон нутаг
Иргэд усанд осолдож, боогдох тохиолдлууд гарсаар байна
2018-06-22 12:51:28 - Энтертайнмент
Данийн үндэсний музейд "Чингис хааны тал нутаг-Монголын нүүдэлчид" үзэсгэлэн нээгджээ
2018-06-22 12:44:15 - Орон нутаг
Тахийн сүрэг дөрвөөр нэмэгдлээ
2018-06-22 12:34:18 - Орон нутаг
Газрын тосны боловсруулах үйлдвэрийн үйл ажиллагаа эхэллээ
2018-06-22 12:22:30 - Орон нутаг
Замын-Үүд суманд 15 МВт-ын нарны цахилгаан станц ашиглалтад орлоо
2018-06-22 12:02:36 - Улс төр
УИХ дахь МАН-ын бүлэг Тавантолгой төслийг хэлэлцэж байна
2018-06-22 11:38:49 - Орон нутаг
Ерөнхий сайд жолооч нарт хилийн зурваст танхайрахгүй байхыг хатуу анхаарууллаа
2018-06-22 11:34:58 - Нийслэл
Налайхын Төмөрлөгийн үйлдвэрийг Үйлдвэр технологийн парк руу нүүлгэн шилжүүлнэ
2018-06-22 11:31:50 - Орон нутаг
Увс аймагт чавга тариалж байна
2018-06-22 11:12:48 - Улс төр
УИХ-ын чуулганы нэгдсэн хуралдаанаар Ерөнхийлөгчийн хоригийг хэлэлцэнэ
2018-06-22 11:05:59 - Нийслэл
Хууль бусаар олгосон газруудыг цэгцлэх ажил үргэлжилж байна
2018-06-22 10:29:37 - Эдийн засаг
Ажилгүйдлийн түвшин өмнөх жилээс 0.6 пунктээр өсчээ
Их уншсан
Их сэтгэгдэлтэй
2018-06-20 09:32:52 - Орон нутаг
ЗАМЫН-ҮҮД: Цагдаа нар иргэний хүзүүг хугалж, долоон хүн бэртээжээ
2018-06-20 09:20:47 - Хууль
А.Янжинхорлоо: БНСУ-ын иммигрэйшн хүйтэн өрөөнд хоёр жаахан хүүхэдтэй минь хамт 15 цаг байцаасан
2018-06-20 18:53:15 - Хууль
Гудамжинд шээсэн төрийн албан хаагчийн гэрээс хахуулийн 14 сая төгрөг олджээ
2018-06-22 08:38:34 - Байгаль Орчин
СЭРЭМЖЛҮҮЛЭГ: Дуу цахилгаантай аадар бороо орно
2018-06-22 08:38:37 - Хууль
Наадам үзэхээр виз мэдүүлж ирсэн жуулчин арилжааны БАНКУУДЫГ ЦӨЛМӨХ ЗОРИЛГОТОЙ байжээ
2018-06-21 08:46:27 - Энтертайнмент
А.Дэлгэрцэцэг: Дөрвөн хүүхдийн ээж болчихоод миссийн титэм зүүнэ гэж төсөөлөөгүй
2018-06-21 11:38:19 - Улс төр
С.Ганбаатар: Би найдвартай ялалт байгуулна
2018-06-22 17:46:14 - Нийслэл
Бөхийн өргөөг дахин битүүмжиллээ
2018-06-21 13:34:27 - Эрүүл мэнд
Ч.Нарантуяа: Бидний шаардлагыг биелүүлэхгүй бол маргаашаас улс даяар нэгдсэн байдлаар ажил хаялт эхэлнэ
2018-06-20 12:13:41 - Шар
"Батальоны коммандер" анхны монгол