Монгол, Хятадын ЗГХК-ын ажлын хэсгийн хуралдаан боллоо

Aдмин / Хууль

Худалдаа, эдийн засаг, шинжлэх ухаан-техникийн хамтын ажиллагааны Монгол, Хятадын Засгийн газар хоорондын комиссын Ажлын хэсгийн хуралдааныг 2021 оны 12 дугаар сарын 8-ны өдөр цахим хэлбэрээр зохион байгуулав.

Хуралдааныг Монголын талаас Гадаад харилцааны яамны Хөрш орнуудын газрын захирал Т.Батцэцэг, Хятадын талаас БНХАУ-ын Худалдааны яамны Азийн газрын дэд захирал Сүнь Шучян ахлан оролцлоо.

Ажлын хэсгийн хуралдаанаар хоёр улсын худалдаа, эдийн засгийн хамтын ажиллагааны энэ оны явцыг дүгнэж, 2020 онд зохион байгуулсан ЗГХК-ын XVI хуралдааны Протоколын хэрэгжилтийн явцын талаар мэдээлэл солилцож, хамтын ажиллагааны зарим тулгамдсан асуудлаар санал солилцов.

Тухайлбал, хоёр улсын хилийн боомтуудын үйл ажиллагааг хэвийн явуулах, Монголын уул уурхайн бүтээгдэхүүний экспортыг нэмэгдүүлэх, уул уурхайн бус бараа бүтээгдэхүүний экспортыг сэргээх, БНХАУ-аас Монгол Улсад олгож буй хөнгөлөлттэй зээл, буцалтгүй тусламжаар хэрэгжүүлж буй төслүүдийн явцыг түргэтгэх, хоёр талын худалдаа, эдийн засгийн хамтын ажиллагааг хөгжүүлэх дунд хугацааны хөтөлбөрийн агуулгыг эцэслэн тохиролцох зэрэг асуудлаар санал солилцож, цаашид хоёр талын хооронд ажлын түвшний мэдээлэл солилцоог сайжруулахаар тохиролцов.


Сэтгэгдэл

ZHAOCHIN [36.102.3.4] 2021-12-09 10:05:21

TOM TOM YARAAD hIILE HEGEECHI

Зочин [64.119.22.240] 2021-12-10 06:06:56

Хятадаас зээл авч юм хийхгүй шүү Оюунэрдэнээ!

Зочин [194.85.9.14] 2021-12-08 21:57:02

mongol uls deer yedekhiin adil khatadiin ediin zasgiin kharaan dor orchikhson yum uu daa/

Иргэн [103.26.194.173] 2021-12-08 21:38:19

Эрээн хотын албаны хүн замын үүдийг ажлыг шалгаад хил нээх болоогүй гэв, оюунэрдэнэ арээн хотын монгол балгасын дарга шэдгээ мэдэв үү


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.